Leao vendos kushte, zbulohen kërkesat e sulmuesit portugez, reflekton Milan

Views: 40

Kualifikimi për në çerekfinalet e Champions League ka ngrohur jo pak ambientin në shtëpinë e Milanit. Kjo ishte një fitore e rëndësishme jo vetëm për prestigj, por dhe për arkën e klubit, i jep Maldinit një bonus shumë të madh për të lëvizur në tregun e transferimeve.

Përpara se të vendosin objektivat e verës, Milan duhet të zgjidh përfundimisht çështjen Leao.
Rafael Leao Paolo Maldini

La Gazzetta dello Sport zbulon kërkesat e Leao-s ndaj stafit drejtues të Milanit: 7,5 milionë euro, kontratë 5-vjeçare, bonuse dhe 2 milionë euro kesh në shenjë mirënjohje kur të hedh firmën mbi kontratën e re. Milan po reflekton mbi këtë propozim të Leao-s, por pengesë mbetet gjoba që Leao i detyrohet Sportingut. /BalkanWeb/